InicioEconomíaA ostra do Eo volve aos mercados

A ostra do Eo volve aos mercados

Os ostricultores operan de novo despois de máis dun mes de marea vermella na ría

Publicada o

- Advertisement -

As ostras do Eo volverán ao mercado o xoves tras máis dun mes de incerteza. O sector recupera a normalidade despois de que a Dirección General de Pesca autorizase onte a extracción do molusco, suspendida pola marea vermella que afectou a toda a cornixa cantábrica.

Os ostricultores volveron onte ao traballo para extraer o bivalvo que, segundo establece a normativa, ten que pasar polo menos 48 horas nas depuradoras antes de comercializarse.

Entre mañá e o xoves sacarémolas a venda”, explica María Antonia Fernández, bióloga da empresa Ostrastur, que a semana pasada esgotou o produto dispoñible. “Se é un período curto non temos problemas porque contamos con ostra nas depuradoras, pero o peche alongouse bastante”, lamenta.

o último parón na extracción data de 2011, pero durou unha semana

A actividade suspendeuse o pasado 19 de abril, apenas dúas semanas antes do Festival de la Ostra de Castropol e nunha época de crecemento da demanda despois dos meses de inverno. A ría de Ribadeo non sufría un episodio similar desde 2011, cando se decretou o penúltimo peche por unha marea vermella. Con todo, a suspensión mantiverase apenas unha semana.

CAUSAS

Este fenómeno natural desencadéase pola proliferación de certos tipos de microalgas potencialmente nocivas para as persoas que as consumen a través da carne dos moluscos. “Para que este crecemento alcance niveis tóxicos na ría teñen que coincidir diferentes factores relacionados coa temperatura, os ciclos das mareas ou as direccións da correntes mariñas. Estas circunstancias, conxuntamente, poden facer que estes microorganismos se concentren e permanezan na auga.

“As condicións da ría, na que unha parte moi importante da masa de auga se renova coa subida e a baixada das mareas, contribúe a que estes episodios sexan menos frecuentes que, por exemplo, nalgunhas rías galegas do Atlántico”, comenta Carmen Rodríguez, bióloga do Centro de Experimentación Pesquera (CEP) de Castropol.

ÚLTIMAS

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...