InicioDeportesO Betis afasta ao Pescados Rubén da loita polo ascenso

O Betis afasta ao Pescados Rubén da loita polo ascenso

Remata a tempada para o cadro local, que caeu nun partido apaixonante, con prórroga incluída

Publicada o

- Advertisement -

Pescados Rubén Burela: Edu, Pope, Hélder, Héctor e Renato. Tamén xogaron Víctor, Colacha, Matamoros, Chus, Luisma.

Real Betis: Raúl Jiménez; Aarón, Éric, Jaime Migo e Bermusell. Tamén xogaron Bellvert, Chano, Rubén Cornejo, Raúl Gómez e Ivi.

Árbitros: Montero Galán e Navarro Rodríguez (Castela e León).

Goles: 1-0, m. 17. Matamoros. 1-1, m. 18. Chano. 2-1, m. 28. Víctor. 3-1, m. 32. Matamoros. 3-2, m. 33. Bermusell. 3-3, m. 34. Bermusell. 3-4, m. 38. Raúl Gómez. 4-4, m. 40. Héctor. 4-5, m. 42. Bermusell. 4-6, m. 45. Raúl Gómez.

O Pescados Rubén Burela perdeu contra o Betis na prórroga do segundo partido da eliminatoria e quedou eliminado do play off de ascenso á Liga Nacional de Fútbol Sala.

O equipo visitante comezou o encontro cunha presión alta que dificultou a saída de balón dos locais. Aos 40 segundos de xogo Pope despexou baixo paus un disparo cruzado de Éric, que rematou fóra coa testa no minuto 3. Chano e Raúl Gómez tiveron outras dúas ocasións, proba do dominio do conxunto visitante ante un Pescados Rubén incómodo.

O equipo mariñao mellorou no treito final do primeiro tempo. Luisma e máis Pope topáronse coa categoría de Raúl Jiménez e Renato e Matamoros desaproveitaron unha dobre ocasión no saque dunha falta ao borde da área. O pivote madrileño non perdoou un dobre penalti no minuto 17, pero a ledicia durou pouco nas gradas de Vista Alegre. Cunha boa manobra de espaldas a portería, Chano equilibrou o encontro.

SEGUNDO TEMPO

A segunda metade comezou con ocasións en ambas porterías. Un pletórico Edu desbaratou dúas oportunidades dos visitantes. Os locais tiveron tres ocasións moi claras: Colacha non chegou por uns centímetros a rematar no segundo pau un disparo desviado de Hélder, antes de que Renato e o propio á andaluz do Burela toparan co pau. Víctor e Matamoros, en dúas xogadas de estratexia, premiaron o esforzo do conxunto laranxa.

os locais desaproveitaron un 3-1 e forzaron o tempo extra a nove décimas do final

Tralo 3-1, o Betis sacou rendemento ao porteiro-xogador e Bermusell marcou dous goles consecutivos para igualar o marcador. A dous minutos do remate, Raúl Gómez adiantou ao equipo verdibranco cun 3-4 que caeu como un xarro de auga fría en Vista Alegre. O encontro semellaba perdido, pero Héctor mantivo con vida ao cadro burelés cun fungueirazo a nove décimas do desenlace.

Na prórroga, Bermusell e Raúl Gómez culminaron dous contragolpes e puxeron fin á tempada dun Pescados Rubén que non acadou o obxectivo do ascenso, pero que ten moitos apuntes positivos cos que quedarse, como o título da Copa Galicia ou o crecemento de xogadores novos que poden ser vitais no proxecto de cara ao futuro.

ÚLTIMAS

Carlos López, Biathle: “A idea é fomentar que os máis novos sintan atracción polo pentathlon”

-Por que se escolleu San Cibrao para levar adiante estas probas de Biatle-Triathle? Xa se...

Tsunami de ‘metal’ na Mariña co Resurrection Fest para a vindeira semana

A decimonovena edición do Resurrection Fest, o festival de metal, rock, punk e hardcore...

Cinco alumnos do IES de Foz foron convocados para a Megabau na Coruña

Cinco alumnos do IES de Foz foron convocados este venres (21 de xuño) para...

Lourenzá abre unha exposición arredor dos campos de concentración nazis

A Sala de Exposicións do Concello de Lourenzá alberga unha mostra sobre os campos...