O persoal dos Pescados Rubén Burela FS de Primeira Masculina activou esta mañá o illamento domiciliario de corpo técnico e xogadores debido á aparición de 2 casos positivos en Covid-19 no test de antígenos realizados semanalmente.

Segundo informa o clube nun comunicado, de acordo co protocolo marcado polo Sergas e baixo a supervisión do servizo médico do club, o equipo de Sito Rivera suspenderá a actividade dos próximos 10 días. Todos os integrantes atópanse ben, sen síntomas.

O calendario dos próximos partidos da escadra laranxa quedará supeditado ao que diga o xuíz de Competición da RFEF.