Unha representación do Pescados Rubén Burela FSF, elixido mellor equipo feminino de fútbol sala do mundo, estará este xoves no popular late night de Movistar+ La Resistencia (Cero, 00.00 horas).
A viveirense Lara Balseiro, a elixida como segunda mellor xogadora do planeta, Patricia González Mota, “Peque”, e a veterana porteira Jozi Oliveira protagonizarán o programa de televisión, que se emite a medianoite e presenta o cómico David Broncano.
✊ El mejor equipo de fútbol sala femenino del mundo es español: @burelafs #LaResistencia @LaraBalseiro @pgmota7 @Jozi_Oli1 pic.twitter.com/QIn4ZnnT6q
— La Resistencia en Movistar+ (@LaResistencia) February 11, 2021
La Resistencia grávase no teatro Arlequín, de Madrid, a onde se desprazaron as tres representantes do mellor equipo do mundo, un conxunto que non deixa de promocionar cos seus éxitos deportivos, e tamén cun convenio laboral pioneiro no deporte feminino estatal, a vila de Burela e a comarca da Mariña.