InicioDeportesO Pescados Rubén FSF é líder tras gañar ao Zaragoza na estrea...

O Pescados Rubén FSF é líder tras gañar ao Zaragoza na estrea en Vista Alegre

Cris e Lara anotaron os goles do cadro laranxa, que acumula seis puntos dos seis disputados

Publicada o

- Advertisement -

O Pescados Rubén Burela FSF é o líder da Liga Foro 16 Feminismo despois de derrotar (2-0) a un recén ascendido, o Sala Zaragoza, que ofreceu unha boa imaxe en Vista Alegre.

As ‘guerreiras’ comparten o liderado da máxima categoría co Penya Esplugues, ambos equipos con seis puntos. Quedan, iso si, dous partidos por disputar da segunda xornada; o do Poio Pescamar, que visitará ao Femisport o 6 de decembro, e do campión, o Jimbée Roldán, que recibirá ao Móstoles.

GRAN FINAL DA PRIMEIRA PARTE

Na estrea diante da afección, o Pescados Rubén competiu contra un rival que non viaxou a Burela para pecharse. O Sala Zaragoza tentou atacar e o conxunto local soubo aproveitar os espazos para crear ocasións, especialmente nun gran treito final do primeiro tempo, tras un inicio igualado.

Así, Jenny tivo dúas oportunidades claras para marcar. Foron o preludio do 1-0, obra de Cris no minuto 15, e do 2-0, que anotou Lara no 18. Luci tivo o terceiro, pero non atinou a falta de 33 segundos para o descanso.

No segundo tempo, o cadro visitante tivo menos perigo e o Burela FSF non foi quen de ampliar unha renda que mantivo ata o final.

SEN RECIBIR GOLES NESTE CURSO

Boas novas para o Burela FSF, que ademais da vitoria mantivo a portería a cero por segundo partido consecutivo. O conxunto burelao aínda non recibiu un tanto na presente Liga, co que polo de agora mellora a que foi a asignatura pendente da pasada campaña.

VINDEIRA XORNADA

Na vindeira xornada, o cadro laranxa desprazarase á pista do Móstoles.

ÚLTIMAS

As Festas do Carme en Porcillán contarán coa colaboración do Concello de Ribadeo

Do 19 ao 21 de xullo celébranse en Porcillán as festas do Carme, que...

Viveiro presenta unha APP que permite ver en 3D as antigas portas da vila

O Concello de Viveiro presentou esta mañá a súa nova APP, que permite experiencias...

X Edición da 1/2 km Vertical Monte Comado en Barreiros

O vindeiro domingo, 21 de xullo, Barreiros acollerá a décima edición da carreira popular...

As xornadas de Historia da Pomba do Arco en Foz abordarán desde a romanización até o nazismo

A casa da cultura Poeta Manuel María de Foz acolle entre 29 de xullo...