InicioDeportesO Pescados Rubén quita un punto da súa visita ao Mengíbar

O Pescados Rubén quita un punto da súa visita ao Mengíbar

Juanfran adiantou aos de Juanma no minuto 14 e Edu evitou o 2-1 ao deter un doble penalti no 38

Publicada o

- Advertisement -

O Pescados Rubén Burela colleitou o seu segundo punto da tempada despois de empatar (1-1) na pista do Software Delsol Mengíbar.

O cadro burelao adiantouse ao cuarto de hora por medio de Juanfran, que fixo diana cun disparo raso. O conxunto laranxa tivo o 0-2 en varias ocasións antes do descanso, pero o gardameta local, Zardoya, mostrouse seguro.

SEGUNDO TEMPO

O conxunto mariñao mandou tamén no inicio do segundo asalto, con oportunidades para Pitero, Juanfran, Lucho e Vargas. A falta de gol do equipo que adestra Juanma Marrube pasoulle factura e o Mengíbar equilibrou a balanza no minuto 35 por medio de Ureña.

A partir de entón tocou aguantar para conservar o botín. O Pescados Rubén cometeu a sexta falta a dous minutos para o desenlace. Edu resolveu o doble penalti executado por Emilio Buendía e o conxunto laranxa quitou un punto dunha das pistas máis complicadas da Segunda División.

VINDEIRA XORNADA

O Pescados Rubén recibirá na vindeira xornada (18.30 horas, Vista Alegre) a El Pozo Ciudad de Murcia. O conxunto murciano empatou esta fin de semana co Betis (2-2). 

ÚLTIMAS

Morre tamén a nai da falecida no incendio do Valadouro

A muller de 77 anos trasladada ao Hospital da Mariña polas feridas sufridas no incendio...

ACISA Ribadeo anima ás empresas locais a unirse ao Bono Activa Comercio

Acisa anima ás empresas locais a adherirse ao Bono Activa Comercio da Xunta....

A CAMOVI de Viveiro será unha homenaxe a Ramón Blanco na edición deste ano

O Concello de Viveiro será esta próxima fin de semana o escenario dunha nova...

O sábado 20 de abril comeza a XVII Edición de Ribadeo de Tapeo

Este sábado, 20 de abril, dará comezo o XVII Ribadeo de Tapeo, un dos...