InicioDeportesSan Cibrao convida a desfrutar do surf o sábado co aberto MacGuiver

San Cibrao convida a desfrutar do surf o sábado co aberto MacGuiver

O Limosa Club organiza a décimo primeira edición do evento, que ofrece a posibilidade de participar en tres modalidades diferentes e dúas categorías por idade

Publicada o

- Advertisement -

O Limosa Club de San Cibrao convida a desfrutar do surf o vindeiro sábado, cando celebrará na praia de Lieiro a décimo primeira edición do open McGuiver. O campionato xunta cada ano a aspirantes e seguidores de diferentes puntos da xeografía española. 

O evento conta coa colaboración do Concello de Cervo. O alcalde, o popular Alfonso Villares, e a edil Dolores García Caramés participaron con directivos do Limosa Club na presentación do aberto.

MODALIDADES E CATEGORÍAS

O Limosa Club ofrece a posibilidade de competir en varias modalidades e categorías. Haberá competicións de surf adulto e júnior, de bodyboard e de longboard. A organización disporá trofeos para os tres primeiros clasificados de cada proba.

INSCRICIÓNS

As persoas que desexen participar deberán presentarse no areal de Limosa a primeira hora da mañá, posto que a organización pechará a inscrición para o campionato ás 9.30 horas.

O prezo da inscrición será de cinco euros para os participantes da categoría júnior, e de dez para as probas de adultos. O custo inclúe a degustación de lacón, empanadas e bebidas para todos os participantes.

HORARIOS

O campionato comezará ás 10.00 horas, cun descanso para comer ás 13.30. Os participantes volverán á auga ás 14.30, coa entrega de premios prevista para as 20.00 horas

CONCERTO

Ao final do campionato, sobre as 20.30 horas, a festa continuará co concerto de Chris Masuak, guitarrista australiano afincado na Mariña e ex de Radio Birdman, que tocará con The Viveiro Wave Riders

ÚLTIMAS

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...