O peche burelés Néstor Valle, ‘Nito’, figura entre os 14 convocados pola selección española sub-18 de fútbol sala para unha concentración en Castellón que comezará o vindeiro 20 de maio. O combinado vermello enfrontaranse a Rusia en dous partidos amigables, o día 22 en Segorbe e o 23 en Benicassim.

É a segunda convocatoria coa selección española de Nito nesta tempada. No pasado mes de febreiro desprazouse coa expedición da sub-19 a Piestany (Eslovaquia), onde xogou dous encontros ante o combinado eslovaco. A chamada de España é o broche de ouro a un excelente curso, no que unha xeración de ouro -que forman tamén Luismi Nieto e Christian Rivas, ‘Pitero’, outros dous internacionais de base- revalidou o título da División de Honra xuvenil.