InicioDeportesAdrián Ben, oitavo na súa serie, fóra da final do Europeo

Adrián Ben, oitavo na súa serie, fóra da final do Europeo

O corredor viveirense non puido aguantar o ritmo dos mellores nunha semifinal accidentada

Publicada o

- Advertisement -

Adrián Ben quedou fóra da final de 1.500 metros do Europeo de Berlín ao rematar oitavo nunha semifinal accidentada. O corredor viveirense completou o percorrido en 3:42.81.

Logo dunha primeira semifinal lenta, cos primeiros 1.000 metros por encima de 2:40.00 e cun mellor tempo de 3:49.06, a cargo do británico Chris O’Hare, a Ben interesáballe unha carreira rápida para optar a un dos tres postos da repesca. Clasificábanse os tres primeiros de cada serie e outros tres atletas por tempos.

A CAÍDA DO GRAN FAVORITO, FILIP INGEBRIGTSEN, MARCOU UNHA CARREIRA complexa

Ben avivou o ritmo da proba nos primeiros metros, para despois buscar un lugar desde onde economizar esforzos e rematar con forza. Fíxoo con intelixencia, pois librou dunha caída na cola do grupo a 700 metros da meta que implicou ao gran favorito, Filip Ingebrigtsen. O corredor noruegués protagonizou un remonte espectacular para meterse na final.

Resultados da semifinal. AXM

A recuperación de Ingebrigtsen revolucionou a proba. Adry aguantou na sétima praza e preto da cabeza ata os últimos 250 metros, nos que lle foi imposible manter o ritmo dos favoritos e veuse superado na recta final polo belga Isaac KimeliMarcin Lewandowski, de Polonia, fixo o mellor rexistro con 3:40.74.

MERItorio papel do atleta mariñao na súa estrea nun campionato de europa absoluto

DEBUT

Con todo, o atleta mariñao gardará un bo recordo e moita aprendizaxe da súa estrea nun campionato de Europa, con só 20 anos. Dada a súa progresión, seguro que participará en máis citas deste calibre.

ÚLTIMAS

As Festas do Carme en Porcillán contarán coa colaboración do Concello de Ribadeo

Do 19 ao 21 de xullo celébranse en Porcillán as festas do Carme, que...

Viveiro presenta unha APP que permite ver en 3D as antigas portas da vila

O Concello de Viveiro presentou esta mañá a súa nova APP, que permite experiencias...

X Edición da 1/2 km Vertical Monte Comado en Barreiros

O vindeiro domingo, 21 de xullo, Barreiros acollerá a décima edición da carreira popular...

As xornadas de Historia da Pomba do Arco en Foz abordarán desde a romanización até o nazismo

A casa da cultura Poeta Manuel María de Foz acolle entre 29 de xullo...