InicioDeportesAdrián Ben, ao asalto de Europa este mércores

Adrián Ben, ao asalto de Europa este mércores

O corredor viveirense xogarase un posto na final dos 1.500 do Europeo de Berlín

Publicada o

- Advertisement -

O atleta viveirense Adrián Ben comezará este mércores (12.05 horas, Olympiastadion) a súa andaina no Campionato de Europa sénior de atletismo que se celebra en Berlín. O corredor mariñao será o único representante español na proba masculina dos 1.500 metros lisos, a distancia de mitos como Fermín Cacho.

Un total de 95 deportistas forman a expedición española en Alemaña. Ben, que cumpriu 20 anos o pasado día 4, partirá cunha marca de 3:39.40, colleitada no trofeo de Castellón.

Adry Ben, no centro, na expedición española en Berlín. AXM

37 PARTICIPANTES

Trátase da quinta peor marca dos 37 participantes na proba, o que demostra o tamaño do reto ao que se enfronta Adry. O viveirense fará a súa primeira aparición nun torneo deste calibre en categoría absoluta e debe desfrutar da experiencia ao máximo e aprender sen responsabilidades na clasificación.

FAVORITOS

O noruegués Filip Ingebrigsten, actual campión europeo da distancia, é o máximo candidato a colgarse a medalla de ouro. Chega cunha marca de 3:30.01. O seu irmán Jakob -de 17 anos-, con 3:31.18, pode ser o seu meirande rival, e incluso competirá un terceiro integrante da saga, Henrik, que xa subiu ao podio no 2016. Os tres corredores escandinavos tamén correrán os 5.000. O británico Chris O’Hare chega cun fenomenal rexistro, 3:32.11, ao igual que o checo Jakub Holusa, con 3:32.49.

FINAL

A final dos 1.500 metros lisos masculinos está prevista para o vindeiro venres, ás 21.50 horas, o que suporá o peche da xornada.

ÚLTIMAS

Burela realiza melloras na canceira municipal xestionada pola Asociación Bigotes

O Concello de Burela vén de realizar unha serie de melloras na canceira municipal,...

Espectáculo ‘Sentir’ do Mago Rafa no Pastor Díaz de Viveiro

O Teatro Pastor Díaz do Concello de Viveiro acollerá a representación do novo espectáculo...

Viveiro realiza labores de mantemento nas cunetas de Naseiro

A Tenencia de Alcaldía de Viveiro, a través da Concellería de Medio Rural, realizou...

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...