InicioDeportesOportunidade para Pitero, que completa o primeiro equipo do Burela FS

Oportunidade para Pitero, que completa o primeiro equipo do Burela FS

Logo de rematar a etapa xuvenil, o prometedor á-peche será o cuarto canteirán ás ordes de Juanma

Publicada o

- Advertisement -

Logo de formarse nas categorías de base do club e rematar na pasada campaña a súa etapa xuvenil, Christian Rivas García, ‘Pitero‘ (Burela, 1999), vivirá a súa primeira tempada con ficha do primeiro equipo do Pescados Rubén FS. O prometedor á-peche burelés pechará o bloque que adestrará Juanma Marrube.

Na súa etapa xuvenil, Pitero acumulou éxitos. Foi internacional coa selección española sub-19 -ao igual que outros compañeiros, como Nito Valle e Luismi Nieto– e gañou o título de Liga da División de Honra xuvenil nas dúas últimas campañas. Tamén foi un habitual nas convocatorias do combinado galego da categoría.

Na tempada pasada, marcada polas lesións que non lle deixaron ter continuidade, Pitero xa foi un máis na dinámica de traballo do primeiro equipo. “É o exemplo de que con traballo e compromiso se pode dar o salto dende a base”, asegura Manuel Blanco, o presidente laranxa. De feito, Pitero será o cuarto canteirán ás ordes de Juanma, con Iago Míguez, Hélder e Renato

BLOQUE PECHADO

Salvo algunha novidade non prevista, o bloque do Pescados Rubén Burela para a campaña 2018-2019 está pechado. Os porteiros Edu e Imanol (procedente do Jaén Paraíso Interior); os peches Pope, Lucho (Levante) e Hélder; os ás Renato, Vargas (Levante), Iago Míguez, Pitero, Juanfran (Natuperllet Segovia) e Porto (Lugo Sala); e os pivotes Luisma e Matamoros.

ÚLTIMAS

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...