InicioDeportesIago Míguez volve a un Pescados Rubén que presume de identidade

Iago Míguez volve a un Pescados Rubén que presume de identidade

O á burelés, que vén do Catgas Santa Coloma, reforza a un Burela FS con Juanma ao timón e tres canteiráns no cadro

Publicada o

- Advertisement -

Iago Míguez (Burela, 1991) regresa ao Pescados Rubén Burela FS para reforzar un proxecto apaixonante na Segunda División. O canteirán asinou un contrato que o vinculará á entidade laranxa ata 2021.

O burelés volve a Vista Alegre logo dunha tempada, a do seu debut coa camisola do Catgas Santa Coloma, marcada polas lesións. O futbolista mariñao xogou 25 partidos de Liga na Primeira División co cadro catalán, 6 deles coma titular, e anotou 4 goles.

Míguez, criado na base e que militou cinco campañas no Pescados Rubén tralo seu paso polo Ázkar Lugo, será unha das grandes bazas do conxunto burelés no vindeiro curso. “Estamos moi satisfeitos co regreso de Iago. É un xogador con rapidez e gol. Medrou con nós, en Segunda e Primeira División, sempre encaixou na nosa filosofía e seguirá dándonos moitas alegrías nesta nova etapa” , asegurou o presidente, Manuel Blanco.

DEZ XOGADORES

Con esta incorporación, Juanma Marrube conta con dez xogadoresSeguirán Matamoros, Hélder, Luisma, Pope e Renato e chegarán Lucho e Vargas (Levante), Juanfran (Naturpellet Segovia) e Porto (Lugo, 1997), que procede do Prone. O club deu a baixa a Colacha, Héctor Albadalejo, Víctor, Chus e Álex.

O Burela FS será o curso que vén un equipo marcado pola identidade, cun home de club como Juanma ao timón e tres xogadores canteiráns -Hélder, Renato e Iago Míguez- con galóns no equipo.

ÚLTIMAS

O comité de Alcoa informa de que recibiu o interese de seis empresas na compra

O comité de Alcoa en San Cibrao informa de que a compañía recibiu o...

Viveiro retira os vehículos abandonados na vía pública

A tenenta de alcaldesa e responsable da área de medio ambiente do Concello de...

Ribadeo eliminará as barreiras arquitectónicas de la EMMeD

O Concello eliminará as barreiras arquitectónicas da EMMeD, que contará con ascensor e...

Barreiros encherá xuño cunha axenda cultural completa

O Concello de Barreiros, a través da súa concellaría de Dinamización, lanza o...