InicioDeportesO torneo Costa Nova xunta a 40 equipos en cinco municipios mariñaos

O torneo Costa Nova xunta a 40 equipos en cinco municipios mariñaos

Xove, Burela, Foz, Barreiros e Alfoz acollerán encontros da vixésimo segunda edición do campionato

Publicada o

- Advertisement -

O torneo Costa Nova, que cumpre a súa vixésimo segunda edición, encherá de fútbol cinco municipios da Mariña na vindeira fin de semana: Burela, Xove, Foz, Barreiros e Alfoz. Un total de 40 equipos, pertencentes a 22 entidades, participarán no campionato, que arrincará o venres e concluirá o domingo na Marosa e en Malates, coa desputa das finais e a entrega de premios.

O torneo contará cun total de sete sedes, xa que Xove -co municipal e o campo de Lago– e Burela -cos campos sintético e artificial do recinto da Marosa- achegan dúas instalacións.  Entre a nómina de clubs participantes hai representantes da Mariña Lucense, de Galicia e de comunidades como Asturias, Cantabria, País Vasco, Castela León e Madrid.

PARTICIPANTES

Competirán no Costa Nova ED Lourenzá Talleres Icardi, Porto de Burela, Santiago de Foz, Casás, UD Xove Lago, CD Foz, Amigos de Gijón, CD Cayón, CD Montdevil, Astileku, Unionistas Salamanca, Juventud Estadio Oviedo, Olímpico CF, Astur, CD Covadonga, CD Tineo, CD Unión Arroyo, SD Nueva Montaña, Ribamontán Al Mar, FPAC Tecnificación, Peña Beryma, Bertamiráns FC e Victoria CF. A competición disputarase en todas as categorías de base, desde prebenxamíns a xuvenís.

Presentaron o evento o presidente da organización, José Saa, o director do torneo, Joaquín Vázquez, o xefe provincial de deportes, Manolo Cadramón, os alcaldes de Foz e Alfoz, Javier Castiñeira e Jorge Val, e o concelleiro de deportes de Burela, Ramiro Fernández.

ÚLTIMAS

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...

Charla en Burela sobre cambios normativos que afectan a persoas con dano cerebral adquirido

O Concello de Burela acolle, no Salón de Plenos, unha sesión informativa sobre os...