InicioDeportesA SD Burela engade a Copa Deputación ao título de Liga

A SD Burela engade a Copa Deputación ao título de Liga

O cadro verde supera ao Brollón (3-1) na final do Anxo Carro e pecha unha tempada brillante

Publicada o

- Advertisement -

A SD Burela proclamouse campión de Copa Deputación Memorial Jorge Tato de Segunda e Terceira Autonómicas despois de derrotar na final do trofeo, disputada no Anxo Carro de Lugo, ao CD Brollón, por un resultado de 3-1.

Os bureleses adiantáronse no minuto 32 logo dunha falta sacada por Ánxel que rematou Ramos, pero non poideron conservar a súa vantaxe ao descanso, pois no treito final do primeiro capítulo o cadro brollonés equilibrou o marcador grazas a Adrián.

Á volta dos vestiarios, Ramos aproveitou de novo unha xogada a balón parado para adiantar ao cadro verde, á hora de partido. O cadro mariñao soubo defenderse das acometidas do Brollón e liquidou o encontro a un minuto do desenlace por medio de Jairo.

Campión e subcampión posan sobre o céspede. AXM

ASCENSO DE CATEGORÍA

O título da Copa Deputación é o broche de ouro a unha tempada na que a SD Burela acadou o título de Liga de Segunda Autonómica e conseguiu dese xeito o ascenso de categoría.

ENTREGA DE PREMIOS

O deputado de deportes, Pablo Rivera Capón, o alcalde de Burela, Alfredo Llano García, o tenente de alcalde burelés, Ramiro Fernández, e mailo rexedor da Pobra do Brollón, José Luis Maceda Vilariño, entregaron os premios dun encontro desputado cun gran ambiente e uns 400 espectadores nas gradas do estadio lucense.

ÚLTIMAS

Carlos López, Biathle: “A idea é fomentar que os máis novos sintan atracción polo pentathlon”

-Por que se escolleu San Cibrao para levar adiante estas probas de Biatle-Triathle? Xa se...

Tsunami de ‘metal’ na Mariña co Resurrection Fest para a vindeira semana

A decimonovena edición do Resurrection Fest, o festival de metal, rock, punk e hardcore...

Cinco alumnos do IES de Foz foron convocados para a Megabau na Coruña

Cinco alumnos do IES de Foz foron convocados este venres (21 de xuño) para...

Lourenzá abre unha exposición arredor dos campos de concentración nazis

A Sala de Exposicións do Concello de Lourenzá alberga unha mostra sobre os campos...