Cando comezaches a xogar ao fútbol sala e en que equipo xogas agora?
Comecei a xogar aos catro anos e agora mesmo estou no Burela FS dentro da categoría de alevín e infantil, nas dúas categorías.
Estiveches noutras categorías previas, non?
Empecei desde biberón e logo continuei como prebenxamín, benxamín, alevín e xogo con infantil.
Canto tempo lle dedicas ao adestramento durante a semana?
Adestro tres días á semana. O luns con alevín, os martes con infantil e os venres con infantil. Cando vou coa selección tamén adestro os mércores.
Como foi o proceso, o camiño para entrares na selección galega? Quen che dixo de ser parte do equipo?
Pois empecei indo coa selección sub-10 e despois seguín traballando para poder ir ás seguintes convocatorias. Quen primeiro me contactou para a selección sub-10 foi Belén Feal. O ano pasado contactoume Ana Mouzo para alevín e este ano repetín outra vez.
Como repartes o teu tempo para estudar e adestrar? Non é difícil facelo?
Pois organizándome moi ben nos estudos, son moi disciplinada con esas cousas.
Agora mesmo, cales son os pasos que che gustaría dar no fútbol?
Gustaríame volver coa selección, continuar o ano que vén. Gustaríame moito estar na selección galega de infantil.
Houbo alguén de Burela na selección antes que ti?
Non, eu son a primeira.
E cando estás na selección, como consegues conectar coas outras xogadoras, porque sodes de equipos diferentes?
Catro das xogadoras en sub-10 xa nos coñeciamos desde o primeiro ano, mais esta tempada viñeron catro compañeiras novas. Durante os partidos falamos entre nós, compaxinamos o xogo e conectado.
Dentro da selección cal é o lugar que ocupas no xogo?
Poden poñerte en calquera posición, mais a min gústame peche e á. Tamén ás veces me poñen de pívot.
Gustaríache estar no equipo Burela FS adultas? Cales son os teus referentes no fútbol?
Si, sobre todo para chegar á primeira división. Gústanme como xogan Emily Marcondes, Patri Ortega e Irene Samper. E do Burela, Cris Blanco e Silvia Rubal. Realmente o meu soño é xogar na na española.