InicioCulturaO impacto do Resu 2018: máis de 8,5 millóns, dos que 6,6...

O impacto do Resu 2018: máis de 8,5 millóns, dos que 6,6 quedaron na Mariña

Son as cifras dun estudo da USC que entrevistou a case 1.500 persoas durante o festival

Publicada o

- Advertisement -

Tralo segundo anuncio de bandas para a edición de 2019, este xoves presentáronse os resultados dun estudo da Universidade de Santiago de Compostela (USC) encargado por Agadic, que cifra o impacto económico do Resurrection Fest 2018 en máis de 8,5 millóns de euros en Galicia, dos que 6,6 reverteron na Mariña.

A investigación nutriuse de 1.470 enquisas realizadas durante o festival, que se celebrou do 11 ao 14 de xullo.

58% DAS VISITAS DE FÓRA DE GALICIA

O estudo conclúe que o Resu rexistrou máis de 81.756 visitas, das que o 58% proviñeron de fóra de Galicia.

GASTO MEDIO

No tocante ao perfil de asistente máis común, foi o dun home de entre 18 a 24 anos, cun gasto medio por persoa e día duns 51,45 euros.

VALORACIÓNS

O sondeo tamén abordou a valoración dos asistentes sobre o festival. O resultado final foi de 8,7 puntos sobre 10. Neste ámbito, preguntóuselle aos entrevistados sobre a súa mellora do coñecemento de Viveiro, que valoraron cun 9,43, ou da súa imaxe, cun 8,96.

TRECE EDICIÓNS

A Deputación de Lugo e mailo Concello de Viveiro anunciaron este xoves en rolda de prensa estes resultados. A administración local e maila provincial foron as únicas que apoiaron o festival durante as trece edicións celebradas.

O Goberno da Deputación achegou este ano 130.000 euros para o festival, unha cantidade que é “unha engranaxe para que se multipliquen os retornos desta achega na nosa provincia”, destacou o voceiro do ente provincial Álvaro Santos Ramos.

Santos, os irmáns Méndez e Loureiro, en Viveiro. AXM

Pola súa banda, o Concello involucrouse directamente na súa organización, facilitando desde espazos para concertos ata lugares de acampada, colaborando con persoal e reforzando os medios de seguridade.

A alcaldesa de Viveiro, a socialista María Loureiro, reivindicou a figura do anterior rexedor, Melchor Roel, como impulsor do festival, que é “un orgullo para o noso concello”.

A Xunta de Galicia, a través de Agadic, concedeu 42.000 euros ao festival, trala presentación dunha solicitude de axuda á concorrencia.

PRESENTACIÓN DO INFORME

Tamén asistiron á presentación un dos organizadores e promotores do Resu, Iván Méndez; o Director da AGADIC, Jacobo Sutil; o coordinador da investigación e autor do estudo, Fran Núñez; e o delegado territorial da Xunta en Lugo, José Manuel Balseiro.

ÚLTIMAS

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...