InicioCulturaVanesa Sotelo gaña o premio Mondoñedo 10 coa obra de teatro 'Bonita'

Vanesa Sotelo gaña o premio Mondoñedo 10 coa obra de teatro ‘Bonita’

A escritora do Morrazo recibirá o galardón o vindeiro domingo, durante a celebración das San Lucas

Publicada o

- Advertisement -

Vanesa Sotelo, con ‘Bonita‘, gañou a terceira edición do premio Mondoñedo 10, na modalidade de teatro.

A asociación As San Lucas, o colectivo Mondoñedo É e o Concello impulsan este galardón, que teñen como obxectivo contribuír a salvagardar a lingua e cultura galegas.

O xurado do premio elixiu a obra de Sotelo ao entender que ten “unha voz dramática cun lirismo que entronca con Álvaro Cunqueiro” e “un valor testemuñal ao respecto das mulleres represaliadas ao longo da Historia”.

O acto de entrega do premio celebrarase o vindeiro domingo, ás 12.30 horas, no auditorio Pascual Veiga, nun acto no que a asociación cultural Alexandre Bóveda interpretará dúas breves pezas teatrais.

FINALISTAS

A obra gañadora impúxose a pezas de Manuel Lourenzo, Candido Pazó, Chévere Teatro ou Teresa González, entre outros.  

PALMARÉS

Sotelo (Cangas do Morrazo, 1981), actriz e dramaturga, sucede no galardón a Manuel Rivas, que no 2016 gañou o premio con ‘Os libros arden mal‘, e a Chus Pato, gañadora en 2017 con ‘Hordas de escritura‘.

Membros do xurado posan ao lado da estatua de Álvaro Cunqueiro. AXM

XURADO

Formaron o xurado o cronista oficial de Mondoñedo, Antonio Reigosa, Olivia Rodríguez, da Real Academia Galega (RAG), Dolores Iravedra, do Consello da Cultura Galega; Afonso Becerra, da Asociación de Escritores e Escritoras en Lingua Galega (AELG); Antonio Salgado, da asociación de actrices e actores; Tareixa Campo, en representación do sector editorial; Diego Vázquez, representante das empresas de artes escénicas; e Francisco Piñeiro, en representación do Concello.

ÚLTIMAS

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...