- Advertisement -
A cantante pontesa con raíces en Bravos Sabela Ramil conseguiu avanzar en Operación Triunfo ao solventar a gala 3.
A vocalista galega interpretou xunto a Marilia ‘Como quieres que te quiera‘, de Rosario Flores, e fixo unha boa actuación aproveitando o ton pausado e íntimo da canción, un rexistro no que se sinte cómoda.
No seu veredicto sobre Ramil, Wally López, do xurado, resaltou a voz “preciosa” da rapaza e o feito de que “fixeches teu un gran tema”.
DAMION E JOAN, NOMINADOS
Damion e Joan Garrido foron os nominados ao final da gala. Os dous rapaces pelexarán por continuar tralo programa do vindeiro mércores na academia, un posto que terá asegurado Sabela.