O debuxante Ánxelu González gañou a décima edición do Premio Alfonso Iglesias de Cómic, o galardón máis importante de banda deseñada de Asturias. Fíxoo con ‘Cacique blancu‘, a historia dun explorador do Occidente astur.

Segundo confirmou o autor, a obra está baseada nunha historia real, a dun rapaz de Taramundi que, no século XIX e con 17 anos, marchou a América.

Trátase de José Fernández Cancio, que buscou no continente americano os restos do último gran explorador español, o vasco Pedro Enrique Ibarreta, e do etnógrafo italiano Guido Boggiani, ambos asasinados polos nativos.

“O CACIQUE BRANCO”

Cancio, un home ambicioso marchou a América para facer fortuna e primeiro probou sorte en Uruguai. Logo estableceu o seu centro de operación en Asunción (Paraguai) e converteuse nun importante terratenente, colonizando moitos territorios virxes. Era coñecido entre os indios como “o cacique branco”.

DOTACIÓN

O premio, que concede o Gobierno de Asturias, está dotado con 3.000 euros.