InicioCulturaCoñece o programa da Feira do Libro de Burela, que quere atraer...

Coñece o programa da Feira do Libro de Burela, que quere atraer aos nenos

A presenza da escritora burelesa Antía Yáñez será un dos atractivos do evento, do 31 de agosto ao 2 de setembro

Publicada o

- Advertisement -

A escritora burelesa Antía Yáñez presentará a súa primeira novela para adultos, ‘Senlleiras‘, na cuarta edición da Feira do Libro de Burela, que o Concello impulsa a vindeira fin de semana, do 31 de agosto ao 2 de setembro.

A autora mariñá, que estará na feira o sábado 1, desde as 19.00 horas, foi recoñecida recentemente co premio Illa Nova de Narrativa pola súa nova obra e tamén co Fina Casalderrey de literatura infantil. Ademais de Yáñez, participarán na feira Manel Loureiro, Matías Escalera, Suevia Figueroa e Otto Treto, Pablo Mosquera, Carlos Nuevo Cal e Alfonso Otero Regal, entre outros.

CRIANZAS

O goberno local, segundo espuxo o concelleiro de cultura, José Díaz, pretende atraer aos nenos á feira cun programa con varias actividades infantís, entre elas tres espectáculos de contacontos, un por xornada.

HABERÁ UN TALLER DE MANUALIDADES E TRES ESPECTÁCULOS DE CONTACONTOS, UN POR XORNADA

VENRES

O venres pola mañá celebrarase unha das novidades desta edición, o concurso de relatos “ao voo”. Pola tarde haberá un obradoiro de manualidades a cargo da aula medioambiental Gaia e as 19.30 comezará un espectáculo de contacontos, música e humor a cargo de Saleta Fernández & Pan con Chocolate. Ademais, a feira contará coa presenza dunha retratista, Eva Carballades. Para a primeira xornada está tamén prevista a presentación da nova novela de Manel Loureiro, ‘Veinte‘.

Programa do venres e o sábado. AXM

SÁBADO

O sábado será o pregón, que pronunciará desde as 12.30 horas Matías Escalera. A continuación haberá unha nova sesión de contacontos, que ofrecerá Bandullo Azul. Ademais de Yáñez, na segunda xornada presentarán traballos María José Rodríguez, Pablo Mosquera, Carlos Nuevo Cal e Otero Regal.

Ademais, sortearase un lote de libros doado polos oito stands que participarán no evento.

Actividades do domingo. AXM

DOMINGO

O domingo, Caxoto divertirá a pequenos e grandes co seu contacontos, desde as 12.30 horas. Pola tarde presentarán libros Carmen Luisa González Suárez e Suevia Figueroa e Otto Treto. Pechará a feira, que sorteará peixe de Armadores de Burela, S. A. (Absa), un programa de Radio Burela en directo conducido por Pepe Peinó.

ÚLTIMAS

O futuro da Mariña: unha historia aínda sen argumento

Alcoa anunciaba que paralizaba a construción do forno de cocción de ánodos, un dos compromisos...

Alcoa seguirá adiante coa venda de San Cibrao ao rexistrar máis perdas millonarias: 237 millóns ata marzo

Alcoa, o maior produtor estadounidense de aluminio, rexistrou perdas por importe neto atribuído de 252 millóns...

Trabada solicita unha subvención para renovar a vivenda da Unitaria de Vidal

O Concello de Trabada solicitou unha subvención ao Instituto Galego de Vivenda e Solo...

Burela acollerá será a primeira fase da ximnasia rítmica Escolar, Promoción e Pre-Base

O Concello de Burela acollerá, no pavillón Vista Alegre, a Primeira Fase da Liga...