InicioCulturaRecollen sinaturas para adicar as Letras Galegas a Avelino Díaz

Recollen sinaturas para adicar as Letras Galegas a Avelino Díaz

O prazo para apoiar a candidatura do poeta, nacido na Órrea e criado en Meira, remata o 28 de abril

Publicada o

- Advertisement -

A asociación cultural Avelino Díaz recollerá sinaturas ata o día 28 de abril coa fin de que a Real  Academia Galega (RAG) adique o Día das Letras Galegas ao poeta do mesmo nome. Os interesados descargar o impreso na páxina de Facebook do colectivo e entregalo, sempre antes desa data límite, a través do correo electrónico poetaavelinodiaz@gmail.com.

Nacido en Santa Comba da Órrea no 1897, Díaz pasou boa parte da súa nenez en Meira, antes de emigrar a Bos Aires, onde exerceu o xornalismo. Alí desenvolveu unha intensa actividade cultural na Federación de Sociedades Galegas. Publicou catro volumes de poesía e, segundo o colectivo que pretende reivindicar a súa figura, deixou 851 poemas que fican inéditos. ‘Debezos’, obra de 1947, está considerado o primeiro poemario en galego da posguerra.

o vate, que viviu a maior parte da súa vida en bos aires, deixou 851 poemas inéditos

Xosé Neira Vilas definía a Díaz como “o máis hábil versificador galego” e quixo presentar a súa candidatura para o Día das Letras no 2015. O vate riotortense e meirego morreu na capital arxentina en 1971, aos 73 anos de idade.

RIOTORTENSES E MEIREGOS, XUNTOS

Diversas agrupacións de Riotorto e Meira apoian o esforzo da asociación cultural Avelino Díaz. Logo de recibir a negativa da RAG a incluír a Díaz nunha listaxe de candidatos, o colectivo decidiu emprender esta campaña de captación de sinaturas. En función do apoio recibido, trazará a estratexia a elixir para tentar conseguir o seu obxectivo.

ÚLTIMAS

Morre tamén a nai da falecida no incendio do Valadouro

A muller de 77 anos trasladada ao Hospital da Mariña polas feridas sufridas no incendio...

ACISA Ribadeo anima ás empresas locais a unirse ao Bono Activa Comercio

Acisa anima ás empresas locais a adherirse ao Bono Activa Comercio da Xunta....

A CAMOVI de Viveiro será unha homenaxe a Ramón Blanco na edición deste ano

O Concello de Viveiro será esta próxima fin de semana o escenario dunha nova...

O sábado 20 de abril comeza a XVII Edición de Ribadeo de Tapeo

Este sábado, 20 de abril, dará comezo o XVII Ribadeo de Tapeo, un dos...