InicioCulturaArizona Baby e a autora de 'Lo Malo' animarán Osa do Mar,...

Arizona Baby e a autora de ‘Lo Malo’ animarán Osa do Mar, de balde e no centro de Burela

O evento, do 14 ao 18 de agosto, ofrecerá actuacións na hostalería burelesa e inclúe no cartel grupos galegos do nivel de Terbutalina, Baiuca ou os locais Oh Ayatollah

Publicada o

- Advertisement -

O grupo pucelano de rock Arizona Baby -en formato dúo- e Brisa Fenoy, autora da popular canción ‘Lo Malo‘, popularizada por Operación Triunfo, serán dous dos grandes atractivos da quinta edición do festival Osa do Mar de Burela. Fanto Fantini, a asociación organizadora, daralle un novo aire ao encontro, que se celebrará do 14 ao 18 de agosto e que mudará de formato: será de balde e os concertos celebraranse na vila de Burela.

No cartel elaborado pola organización tamén destacan grupos galegos como a banda de punk Terbutalina ou Baiuca, que mestura os sons tradicionais con electrónica. Oh Ayatollah, con representación burelesa na formación, é unha das revelacións da música pop da nosa terra.

Os concertos comezarán o martes 14 en distintos establecementos hostaleiros da localidade. Así, Es Un Árbol abrirán o programa ás 22.00 horas, na Parrillada de Jandro. Ás 00.00, Aula 11 actuarán no Boas Migas e ONNLBN tocarán desde as 02.00 horas do Badabing / Ipub. O mércores seguirán os recitais coa quenda de da Eu Son Band & Cooner, que estarán no Traste desde as 20.00 horas.

O xoves continuarán os concertos en diferentes puntos da vila. Voodoo actuarán na Marquesa (21.00 horas) e Superglú animarán o Boas Migas (23.00). O venres, a cervexería Kiko acollerá un mini-festival desde as nove da noite con Miss Lane & The Kryptonians, The Show Bass (The Xoubas) e Oh Ayatollah. Ao seu remate, a música seguirá co DJ Zé Pequeno no Warhol, desde as 02.00.

SÁBADO

A xornada grande do festival será o sábado. Esteban y Manuel (O Traste, 13.00 horas), Kings Of The Beach (cervexería Kiko, 13.45) e The Trunks (Hotel Nordés, 14.30) animarán o vermú. Pola noite, as actuacións serán na Praza do Concello. Abrirá o programa Arizona Baby (22.00 horas), tralos que actuarán Brisa Fenoy (23.15), Terbutalina (00.30) e Boyanka Kostova (01.45). Baiuca porá o broche de ouro ao evento no Warhol (03.00 horas).

ÚLTIMAS

Concentración no Valadouro reclamando a cobertura das prazas médicas

Unha concentración de 500 persoas segundo a Plataforma pola Sanidade Pública da Mariña, concentráronse...

Cortada por obras desde o martes ata o venres a estrada LU-P-2007, en Foz

A estrada LU-P-2007 no municipio lucense de Foz quedará cortada desde o martes ao...

Fran Cajoto: “Os ‘Cantos na Taberna’ son unha maneira de preservar o noso patrimonio’

-De onde parte esta iniciativa de 'Cantos na Taberna' de Foz? Isto parte dunha iniciativa...

A alcaldesa de Viveiro critica que o PP non axude para unha solución coa ‘Casa dos Mestres’

O A alcaldesa de Viveiro, María Loureiro, lamenta que “o PP non apoie ao...