InicioCulturaO Resurrection Fest ofrece “un dos últimos concertos” de Kiss

O Resurrection Fest ofrece “un dos últimos concertos” de Kiss

O festival terá un impacto de 13 millóns de euros e 2.000 empregos, segundo a organización

Publicada o

- Advertisement -

O concerto de Kiss, “un dos últimos da súa historia”, segundo a organización, será o gran atractivo do Resurrection Fest, que se celebrará do 11 ao 14 de xullo no campo de Lavandeiras, en Celeiro (Viveiro).

A sede da Deputación de Lugo acolleu a presentación do festival. O goberno provincial achega 130.000 euros ao evento, que xerará un impacto de 13 millóns de euros e 2.000 postos de traballo, segundo os cálculos dos organizadores. Os impulsores da cita agardan a presenza de 85.000 espectadores, procedentes de 30 países.

O presidente da Deputación de Lugo, Darío Campos, resaltou que o ente que dirixe é a principal institución colaboradora “do que está considerado o mellor festival de Galicia e un dos máis potentes de España. O Concello de Viveiro e Lugo converteranse durante catro días na capital mundial do rock”, asegurou. A achega do goberno provincial enmárcase nunha “aposta por dinamizar a economía, o turismo e a vida nas nosas vilas”, indicou Campos.

os impulsores agardan NA cita A 85.000 espectadores, procedentes de 30 países

Kiss e Scorpions encabezan o cartaz do Resurrection Fest 2018, que conta con máis de cen artistas. O público adquiriu xa o 80% dos abonos da décimo terceira edición, a un prezo de 130 euros. Os asistentes poderán elixir entre tres zonas de acampada.

Logo de cumprir 45 anos como banda, Kiss ofrecerá “un dos últimos concertos da súa historia”, precisou Iván Méndez, un dos responsables da cita. Scorpions “son un dos grupos de hard rock con máis discos vendidos”, resaltou. E ademais “contaremos con outras formacións máis actuais e de moda como Ghost ou Stone Sour”, engadiu o organizador do evento.

RECORDO A ROEL

A alcaldesa de Viveiro, María Loureiro, subliñou a “implicación” do Concello e lembrou os “complicados inicios do festival”. A rexedora reivindicou a figura do seu predecesor no cargo, o falecido Melchor Roel, impulsor deste acontecemento musical.

ÚLTIMAS

José María Leal: “O marqués de Sargadelos foi socio de corsarios”

-A súa palestra sobre 'pirataría ao corso' fala sobre dúas figuras que se confunden...

Tres acusados dun homicidio imprudente en Alcoa en 2017 aceptan un ano de prisión e un cuarto enfróntase a dous anos

Catro persoas sentáronse este mércores no banco dos acusados do xulgado do Penal 2...

O propietario de Sargadelos volve pedir o peche das instalacións

O dono de Sargadelos, Segismundo García, criticou aos sindicatos que este martes se reuniron...

Ribadeo licitará as obras de mellora en dous pavillóns deportivos

Ribadeo licitará nos vindeiros días as obras de mellora en dous pavillóns deportivos: o...