O ciclo de concertos Sons no Solpor, do espazo de arte Eido Dourado, en Barreiros, comeza este domingo. Agüeira Project abrirá o programa a partir das 22.30 horas.

O grupo, que se move a nivel sonoro entre a bossa nova e o jazz, naceu na escola de música de Vegadeo, impulsado polo guitarrista alemán Reinhold, afincado en Santalla de Oscos, á beira do río Agüeira.

O promotor de Eido Dourado, Celso Dourado, lembra que o espazo de arte cumpre dez anos e que o cámping Gaivota tamén está de aniversario, pois alcanza as tres décadas en funcionamento.

Así, este verán haberá concerto cada venres no cámping, con posterior queimada, e cada domingo no espazo artístico.