InicioCulturaAs actividades ao aire libre protagonizan a programación cultural de Burela

As actividades ao aire libre protagonizan a programación cultural de Burela

A Praza da Mariña acollerá actuacións musicais e cine, e a romaxe do Monte Castelo será os días 27, 28 e 29

Publicada o

- Advertisement -

A concellería de cultura de Burela deu a coñecer a programación cultural municipal no mes de xullo, enfocada ás actividades ao aire libre, en tanto que no auditorio municipal vanse levar a cabo melloras no son e no aforro enerxético da iluminación, segundo adiantou o edil, José Díaz.

O programa de actividades arrincará este xoves cun concerto de jazz na Praza da Mariña. O recital será aberto ao público e comezará ás 21.00 horas, e correrá a cargo do alumnado e o profesor, José García, da escola municipal de música. O domingo haberá unha nova edición do rastro solidario, na praza desde as dez da mañá ás tres da tarde.

O mércores 18 haberá cine ao aire libre, tamén na praza, en torno ás 22.30 horas, cunha película aínda por determinar.

A romaxe do Monte Castelo, os días 27, 28 e 29 de xullo, pechará a programación cultural de Burela neste mes.

AMARTE

A concellería de cultura tamén informa de que o prazo para presentar traballos ao certame de arte mural Amarte remata o domingo. Ata o momento recibíronse doce traballos. Amarte celebrarase na primeira fin de semana de agosto, coincidindo coa Feira do Bonito

ÚLTIMAS

As Festas do Carme en Porcillán contarán coa colaboración do Concello de Ribadeo

Do 19 ao 21 de xullo celébranse en Porcillán as festas do Carme, que...

Viveiro presenta unha APP que permite ver en 3D as antigas portas da vila

O Concello de Viveiro presentou esta mañá a súa nova APP, que permite experiencias...

X Edición da 1/2 km Vertical Monte Comado en Barreiros

O vindeiro domingo, 21 de xullo, Barreiros acollerá a décima edición da carreira popular...

As xornadas de Historia da Pomba do Arco en Foz abordarán desde a romanización até o nazismo

A casa da cultura Poeta Manuel María de Foz acolle entre 29 de xullo...