InicioCulturaUnha exposición repasará os 13 anos do Resurrection Fest

Unha exposición repasará os 13 anos do Resurrection Fest

A biblioteca acollerá a mostra, impulsada polo colectivo de comerciantes, desde o vindeiro martes

Publicada o

- Advertisement -

O Centro Comercial Histórico de Viveiro (CCHV), coa colaboración da organización do Resurrection Fest, abrirá o martes na biblioteca municipal unha exposición sobre a historia do festival que se poderá ver ata o sábado, 14 de xullo. O horario de apertura ao público será de 12.00 a 14.00 horas e de 17.00 a 20.00.

A retrospectiva, titulada ‘13 años de Resurrection Fest‘, repasará a evolución do certame cos carteis de todas as edicións, fotografías de concertos ou merchandising.

É o segundo ano que abre a mostra, co obxectivo de achegar aos asistentes do festival ao centro histórico de Viveiro, unha iniciativa á que se unirá o fío musical do CCHV, que animará as rúas con música do festival.

A directiva do CCHV agradece a colaboración da organización do Resurrection Fest, que cedeu todo o material. O Concello de Viveiro prestou o local e a Xunta de Cofradías da Semana Santa viveirense tamén achegou o seu gran de area para que a mostra sexa posible.

CAMISOLAS

O CCHV fixo unha edición especial de camisolas personalizadas para o persoal dos establecementos de hostalería e negocios da agrupación, que vestirán na semana do festival. Os deseños retratan a personaxes emblemáticos do municipio como Pastor Díaz e Maruja Mallo cunha imaxe ‘Resu’.

NOVA MOEDA E PROMOCIÓN

A organización do Resurrection Fest, por outra banda, informou de que Tuents by Tuenti será a nova moeda oficial do evento. Os interesados en adquirila con descontos poden mercar na web do festival 55 euros en Tuents por 50 euros, e 120 euros por 100.

ÚLTIMAS

Alcoa ten o apoio dos accionistas para comprar a australiana Alumina Limited e ter todo o complexo de San Cibrao

Os accionistas de Alcoa, cun apoio do 99% dos presentes en xunta especial, apoiaron...

O pleno de Ribadeo abordará a seguridade na vila e outros temas como a Pancha

Pancha, seguridade, miradoiro de Loctudy e 4º Plan de Igualdade centrarán o pleno que...

Furgonetas ‘cero emisións’ para a brigada de obras de Viveiro

Tenencia de Alcaldía do Concello de Viveiro informa da compra de dúas novas...

Bandeira azul á Praia de Area en Viveiro

O Concello de Viveiro informa á veciñanza de que esta mañá procedeuse ao izado...