InicioCulturaRuxe Ruxe e Nao botarán o Aturuxo en Bravos

Ruxe Ruxe e Nao botarán o Aturuxo en Bravos

O festival, do 20 ao 21 de xullo, inclúe concertos, xogos populares e un obradoiro de baile con Pesdelán

Publicada o

- Advertisement -

As actuacións de Ruxe Ruxe e Nao serán dous dos reclamos da sétima edición do festival Aturuxo, que se celebrará na parroquia ourolesa de Santiago de Bravos os días 20 e 21 de xullo. A asociación cultural Aturuxeiros organiza o festival, que patrocina a Deputación de Lugo.

PROGRAMA

A cita comezará na noite do venres 20, cunha cea popular e unha foliada aberta ao público na que actuará o grupo Andarivel. O sábado 21, haberá sesión vermú desde as 13.30 horas, xogos populares a partir das 17.00 e, acto seguido, un obradoiro de baile a cargo de Pesdelán. Os concertos arrincarán ás 22.30 horas, coa presenza de Carecos, Monolious DOP, NAO e Ruxe Ruxe.

ACAMPADA E AUTOBÚS

Aqueles que queiran achegarse desde outras latitudes e durmir na localidade disporán dunha zona de acampada gratuíta, que estará situada a carón da igrexa parroquial. A organización ofrecerá outra posibilidade, con servizo de autobús de balde dende a estación de autobuses de Viveiro a Bravos.

A Deputada de cultura, deseño e artesanía, Pilar García Porto, o alcalde de Ourol, José Luis Pajón e a Vicepresidenta da Asociación Cultural Aturuxeiros de Bravos, Sabela Ramil Rivera, presentaron este mércores no Pazo de San Marcos esta nova edición do evento.

García Porto asegurou que o ente provincial “promove esta iniciativa co obxectivo de dinamizar a vida cultural das nosas vilas”. Pajón agradeceu o esforzo “dos Aturuxeiros, sen os que isto non sería posible” e Ramil lembrou que o festival conta “co apoio do tecido asociativo e empresarial do concello de Ourol”.

ÚLTIMAS

Alcoa ten o apoio dos accionistas para comprar a australiana Alumina Limited e ter todo o complexo de San Cibrao

Os accionistas de Alcoa, cun apoio do 99% dos presentes en xunta especial, apoiaron...

O pleno de Ribadeo abordará a seguridade na vila e outros temas como a Pancha

Pancha, seguridade, miradoiro de Loctudy e 4º Plan de Igualdade centrarán o pleno que...

Furgonetas ‘cero emisións’ para a brigada de obras de Viveiro

Tenencia de Alcaldía do Concello de Viveiro informa da compra de dúas novas...

Bandeira azul á Praia de Area en Viveiro

O Concello de Viveiro informa á veciñanza de que esta mañá procedeuse ao izado...