VIVEIRO
As patronais de Covas son unha das grandes citas para os mariñaos. Ás 14.00 horas haberá sesión vermú coa orquestra Salsarena, que repetirá na verbena nocturna xunto con Montreal. A música comezará as 23.00 horas, haberá un pequeno descanso para a fogueira e continuará tras recibir o lume novo.
A celebración continuará con verbenas os días 24 e 25, cando será a agardada e multitudinaria sardiñada, ás 20 horas.
XOVE
A primeira edición do Sanxan Fest, na Praia de Esteiro, contará co cantautor estadounidense Bart Davenport como principal gancho. A música comezará ás 19.30 horas.
CERVO
Na festa organizada por A Rebolaxe en San Cibrao non faltará unha degustación de porco en diferentes variedades e a música co grupo de versións Mi rollo es el rock.
En Rúa haberá churrascada desde as 20.00 horas e logo e verbena con Diamantes.
En Figueirido celebrarase o San Luís, con misa ás 14.00 horas e sesión vermú. Pola noite haberá churrasco a cinco euros a ración, e desde as 22.30 horas verbena con PK2 e concerto pop con Los Limones.
FOZ
Para os amantes da verbena, o dúo Kiko e Noelia e Emperadores amenizarán a noite nas festas de Vilaronte. Tamén haberá sesión vermú con esta última formación.
BARREIROS
San Estevo do Ermo acollerá a a sétima edición do festival histórico Augas Santas, con porco e año ao espeto, vodas celtas e queimada.
MONDOÑEDO
O barrio dos Muíños habilitará inchables para os nenos desde as 17.00 horas. Ás oito comezará unha exhibición de zumba e haberá cea en carpa, previa á verbena, que correrá a cargo do dúo Epo-K.
RIBADEO
Ove celebra o San Xoán con sardiñada e pancetada, desde as 21.00 horas, e as actuacións da orquestra New York e a disco móvil Blanco y Negro.
A PONTENOVA
A parroquia de Rececende celebra o San Xoán coa orquestra Nevada e a actuación da cantante do Incio Lucía Pérez, representante de España en Eurovisión no 2011.
CASTROPOL
A praia de Arnao será a sede dunha gran lumieira, que terá como aperitivo unha sesión vermú rockeira con Trastornos del Sueño (ás 13.00 horas) e unha sesión de house a cargo de Daniel Aibar, ás oito da tarde.