Alfoz inicia a conta atrás para celebrar o 800 aniversario da vila de Castrodouro, arredor da cal se creou o municipio.
O 10 de abril de 2020 cumpriranse oito séculos do fuero concedido polo rei Alfonso IX aos poboadores do enclave, que tivo a súa orixe nun asentamento castrexo.
O estatuto outorgaba ao Castrodouro o título de vila e determinaba o alfoz ou terreo sobre o que exercería a súa xurisdicción.
O fuero marcou a configuración territorial do actual concello que, ata finais do século pasado, mantivo o nome de Alfoz de Castrodouro.
ANAGRAMA
O Concello presentou este mércores, xusto un ano antes, o anagrama deseñado para promocionar a efeméride.
O responsable da Área de Cultura e Turismo, Xabier Pardiñas, subliñou a “importancia que a data ten na historia do concello” e explicou que o logo se “empregará en toda a publicidade” do departamento ao longo dos vindeiros doce meses para dar “visibilidade” á celebración.
TALLER DE ACUARELA
O acuarelista leonés Juan Ramón Alves, gañador das dúas últimas edicións do Maratón de Pintura de Alfoz, impartirá un taller infantil de acuarela para nenos de 10 a 14 anos.
O obradoiro será os días 15, 16, 17 e 18 en horario de mañá, de 10.00 a 13.00 horas na aula OMIX de Alfoz, e nel traballarase na introdución ao debuxo e a acuarela, o coñecemento de materiais e o desenrolo de tres propostas fotográficas.
O prazo de inscrición remata o venres 12. Informan no consistorio e na pa páxina web www.concellodealfoz.com.