InicioCulturaDown Lugo expón fotografías en Cervo

Down Lugo expón fotografías en Cervo

A asociación presenta na casa da cultura a mostra 'Enfocando Historias'

Publicada o

- Advertisement -

A Asociación Down Lugo exporá ata o 28 de xuño na casa da cultura de Cervo a mostra fotográfica ‘Enfocando Historias‘. Mozos e mozas do colectivo realizaron esta exposición co apoio da fotógrafa Aleksandra Dmitrieva e a colaboración das fundacións de Telefónica e Alcoa.

‘Enfocando Historias’ forxouse en varios pasos. Primeiro, os participantes recibiron clases teóricas de fotografía e pensaron nas historias que querían plasmar a través en imaxes. A continuación foi a parte práctica: os fotógrafos de Down Lugo viaxaron á Mariña Lucense e á praia de Peñarronda, en Asturias, para quitar as fotos. A terceira fase foi a selección das instantáneas que se poden ver na exposición de Cervo. É o segundo lugar onde se pode visitar a mostra, que só foi exposta con anterioridade na Capela de Santa María de Lugo.

INTEGRACIÓN

Asistiron á inauguración o alcalde de Cervo, Alfonso Villares, e a edil de cultura, Dolores García Caramés; a xerente da Asociación Down Lugo, Delfina Pérez; representantes de Alcoa; membros da Asociación de Axuda ao Enfermo Mental A Mariña; e os autores da mostra, que explicaron a dificultade da súa loita por atopar un oco no mercado laboral e acadar a plena integración.

Villares sinalou que a integración total deste colectivo “debe ser unha prioridade e responsabilidade de todos”.

ÚLTIMAS

As Festas do Carme en Porcillán contarán coa colaboración do Concello de Ribadeo

Do 19 ao 21 de xullo celébranse en Porcillán as festas do Carme, que...

Viveiro presenta unha APP que permite ver en 3D as antigas portas da vila

O Concello de Viveiro presentou esta mañá a súa nova APP, que permite experiencias...

X Edición da 1/2 km Vertical Monte Comado en Barreiros

O vindeiro domingo, 21 de xullo, Barreiros acollerá a décima edición da carreira popular...

As xornadas de Historia da Pomba do Arco en Foz abordarán desde a romanización até o nazismo

A casa da cultura Poeta Manuel María de Foz acolle entre 29 de xullo...