O Resurrection Fest Estrella Galicia presentou o seu cartel por días para a edición de 2025, “a máis grande e histórica”. O festival arrincará con Judas Priest o mércores.
Segundo destacan nun comunicado, o vixésimo aniversario de Resurrection Fest celébrase este ano en Viveiro “co cartel de metal e rock máis potente do país”.
Así, o mércores 25, primeiro día do festival, arrincará con Judas Priest, Jinjer, Novelists, Signs Of The Swarm, From Fall To Spring e Tarja.
O xoves 26 será a quenda de Korn, Till Lindemann, Seven Hours After Violet, Northlane, Stain The Canvas, Municipal Waste, Death Angel e Heredeiros Dá Crus.
Xa o venres 27 tocaralle a Falling In Reverse, Tesseract, Angelus Apatrida, Aphonnic, Broken By The Scream e SOEN.
Por último, o sábado 28 será a quenda de Slipknot, Skindred, Crossfaith, Aviana e Tetrarch.