En setembro de 1907 un grupo de emigrantes do Valadouro e de Alfoz na Habana crearon a sociedade El Valle de Oro . O obxectivo principal desta entidade era edificar escolas e mellorar a intrucción nos concellos de Alfoz e O Valadouro .

Entre 1921 e 1933 esta sociedade inagurou catro edificios escolares , axudando tamén economicamente á construcción doutras escolas e á dotación das mesmas . Non obstante , ademais do obxectivo escolar , outras foron as angueiras de El Valle de Oro : a mellora das igrexas e a axuda ao agro estiveron tamén entre as súas misións.

Parte desa historia é a que tenta recuperar Prudencio Viveiro Mogo en “Os irmáns de América: As pegadas da emigración do Valadouro na Habana”, un libro publicado por Edicións Laiovento. A partir, principalmente, de artigos de prensa, Viveiro Mogo reconstúe o que aconteceu nas primeiras décadas do século XX nesta zona da Mariña.

De feito, o fenómeno migratorio era a paisaxe cotiá de Galicia. Neste traballo, con todo, o autor, tenta afastarse da imaxe negativa que aínda hai da emigración para considerala – a través do caso do Valadouro – como un proceso histórico que achegou moitas oportunidades para o país , axudando á súa modernización e mesmo á súa construcción dunha identidade.