InicioCentralA Deputación potenciará con fondos europeos cinco concellos do Xistral

A Deputación potenciará con fondos europeos cinco concellos do Xistral

A USC e a UDC colaboran nun proxecto quinquenal para combater o despoboamento

Publicada o

- Advertisement -

A Deputación Provincial de Lugo, en colaboración coa Universidade de Santiago (USC) e coa Universidade de A Coruña (UDC), impulsa o proxecto ‘Life in Common Land’, consistente en “medidas para garantir un desenvolvemento sustentable” na Serra do Xistral, co obxectivo de conseguir a máxima rendibilidade neste espazo, que ten a catalogación de Rede Natura 2000 e de Reserva da Biosfera Terras do Miño

A iniciativa ten unha duración de cinco anos. O investimento no proxecto é de dous millóns de euros, financiados nun 70 por cento por fondos europeos (1,4 millóns), 212.000 euros da Deputación Provincial de Lugo, 198.000 da USC e 100.000 da UDC.

O PLAN AFECTARÁ A 5.000 HECTÁREAS

‘Life in Common Land’ vaise desenvolver nun espazo de 5.000 hectáreas na Serra do Xistral, nos concellos de Abadín, Muras, Ourol, Valadouro e Viveiro. Esta zona, dentro de Rede Natura, ten “restriccións de uso e aproveitamento do territorio, impostas pola normativa vixente”. A intención é demostrar que esta especial protección “é compatible co desenvolvemento social”. O proxecto contará coa participación directa dos propietarios e usuarios dos montes veciñais.

Darío Campos, presidente da Deputación de Lugo, resaltou que se buscarán medidas “que garantan un desenvolvemento sustentable da zona e redunden na mellora da produción gandeira e forestal, na axilización de trámites e aspectos administrativos e tamén na conservación do rural, proporcionando un maior número de oportunidades”.

OS PROPIETARIOS, PARTE ACTIVA

Os encargados de executar estas medidas serán os usuarios e propietarios, que recibirán compensacións económicas de acadar os obxectivos marcados. Campos subliñou que este modelo aplícase noutros países europeos –Francia é un exemplo- para combater o despoboamento e conservar o medio ambiente.

Asistiron tamén ao acto Andrés Barreiro Lois, vicerreitor de Desenvolvemento Científico e Tecnolóxico do Campus de Lugo da USC; Horacio Naveira Fachal, o adxunto ao vicerreitor de Política Científica da UDC; e o deputado de Cooperación cos Concellos, Argelio Fernández Queipo.

ÚLTIMAS

As Festas do Carme en Porcillán contarán coa colaboración do Concello de Ribadeo

Do 19 ao 21 de xullo celébranse en Porcillán as festas do Carme, que...

Viveiro presenta unha APP que permite ver en 3D as antigas portas da vila

O Concello de Viveiro presentou esta mañá a súa nova APP, que permite experiencias...

X Edición da 1/2 km Vertical Monte Comado en Barreiros

O vindeiro domingo, 21 de xullo, Barreiros acollerá a décima edición da carreira popular...

As xornadas de Historia da Pomba do Arco en Foz abordarán desde a romanización até o nazismo

A casa da cultura Poeta Manuel María de Foz acolle entre 29 de xullo...