Un operario resultou ferido na mañá deste mércores na localidade lucense do Valadouro tras caerlle encima a rama dunha árbore.

Tal como informa o 112 Galicia, os feitos ocorreron pouco despois das 10.30 horas na parroquia de Moucide e foi un particular que se atopaba co ferido o que deu a voz de alarma.

Así, explicaba que un traballador dunha empresa de madeira necesitaba asistencia médica por sufrir un forte golpe nas costas ao caerlle unha rama. A pesar de todo, estaba liberado e accesible.

Por iso, deuse aviso a urxencias sanitarias, aos Bombeiros de Barreiro e á Garda Civil. O home foi trasladado finalmente a un hospital para ser atendido.