Un motorista resultou ferido tras saír da vía e chocar contra un muro na N-642, ao seu paso polo municipio lucense de Mondoñedo.

Segundo informou o 112 Galicia, o suceso produciuse sobre as 19.00 horas deste domingo e foi un particular o que deu a voz de alarma e detallou que a persoa sufría lesións importantes.

Ata o punto desprazáronse os profesionais de Urxencias Sanitarias de Galicia-061, axentes da Policía Local, a Garda Civil de Tráfico e os voluntarios de Protección Civil de Mondoñedo.