O Concello de Mondoñedo emitiu este domingo unha nota de prensa onde lamenta o falecemento de Xosé Vizoso, fillo predilecto da cidade de Mondoñedo, artista recoñecido en toda Galicia pola súa extensa e icónica obra como deseñador, ilustrador, retratista, ceramista, grafista e muralista.

O alcalde Manuel Otero quere transmitir as súas condolencias a familia e amigos en nome de toda a Corporación Municipal.

A súa creatividade deixa un legado dun valor incalculable e a súa xenerosidade un fermoso recordo en todos os que coñeceron.

Desde as administracións públicas temos a responsabilidade de que a súa obra perdure no noso acervo cultural.