A Concellería de servizos sociais do Concello de Lourenzá organizou unha excursión a Muxía e ás cascadas do río Ézaro na que participaron 50 veciños do municipio.

En concreto, a actividade foi programada para os alumnos do taller de memoria do Concello e para outras persoas xubiladas maiores de 65 anos, ata completar as prazas dispoñibles. Tamén viaxou a alcaldesa, a socialista Rocío López, e outros representantes municipais. Os asistentes poideron desfrutar das espectaculares fervenzas e tamén da igrexa de Nosa Señora da Barca. 

IRMANDADE

A expedición foi recibida polo alcalde de Muxía, Félix Porto, que “presentou os atractivos turísticos do seu concello. Con esta viaxe consolidamos a boa relación entre Lourenzá e Muxía, que se iniciou na pasada edición da Festa da Faba, cando ese concello da Costa da Morte acudiu como invitado”, precisou a alcaldesa.