A Plataforma Sanitaria da Mariña convoca una concentración o vindeiro domingo 21 de xaneiro na Praza do Conde Santo ás 12 horas. Segundo a Plataforma esta mobilización responde á falta de pediatra na localidade de xeito continuado. Ademais, avanzan que o servizo de pediatría préstase de xeito compartido entre as localidades de Mondoñedo, Barreiros e Lourenzá, correspondéndolle a Lourenzá consulta de pediatría un día á semana. “A pandemia foi a escusa perfecta para o Sergas para eliminar o servizo nesta localidade e a día de hoxe continúa sen restablecerse”.

Os convocantes sinala que deficiencias en pediatría no Concello de Lourenzá veñen de tempo atrás, con ausencias non substituídas, prolongadas no tempo e que xa foron obxecto de mobilizacións nas tres localidades afectadas. Segundo explica a coordinadora do colectivo, Montse Porteiro, centos de familias reclamaron cobertura de pediatría: “xa que contar con pediatras nos centros de Atención Primaria non é ningún privilexio, senón un servizo básico que garante a normalidade na asistencia sanitaria e que está a ser desmantelado polo goberno da Xunta”.

A Plataforma Sanitaria da Mariña pide ás familias e veciños tanto das localidades afectadas coma do resto da comarca que acudan á concentración do vindeiro domingo en demanda da reposición do pediatra nesta localidade, tamén como da normalización do mesmo nos otros concellos nos que comparte a asistencia. “Igualmente reclamamos que se cubran as prazas de pediatras ou se substitúan as ausencias no resto de centros de saúde da comarca onde non se deu solución aínda”.