O alumnado de 1º de Bacharelato do IES de Foz está estes días de excursión en Cataluña. Esta actividade, que normalmente se celebra en 4º da ESO, non puido facerse no seu momento por mor da pandemia.

A vicedirectora do IES de Foz, Leticia Maseda, explica que “un total de 42 alumnos e alumnas visitan durante 7 días lugares tan interesantes como Empuria Brava, Museo Dalí, Sagrada Familia, Cadaqués e Girona, dende onde nos mandaron unha foto diante da catedral. Tamén teñen tempo para o lecer visitando un parque acuático e Port Aventura”.