A Plataforma na Defensa da Sanidade Pública da Mariña saíu este xoves á rúa de Foz para demandar a substitución do persoal en vacacións ou outros permisos para garantir unha asistencia sanitaria de calidade. Tamén pide a reposición do segundo técnico de transporte na ambulancia medicalizada e a dotación de matrona no centro de saúde de Foz.

Á protesta asistiron numerosos veciños, e entre eles, tamén estaba a Secretaria Provincial e Deputada Autonómica do PSdeG, Patricia Otero xunto ao alcalde de Foz, Francisco Cajoto.No acto tamén participaron a tenente de Alcalde de Barreiros, Mari Carmen Veiga, o concelleiro focense Javier Fraga e a secretaria da agrupación local de Foz, Maria Luisa Piñeira, entre outros compañeiros e simpatizantes.

Durante a protesta, o alcalde de Foz, Francisco Cajoto remarcou que xa denunciou publicamente a desfeita sanitaria do centro de saúde do Concello. “Diante desta mesma porta criticamos os recortesdos sanitarios na época estival, que se agravan cun servizo de pediatría que non se cobre a xornada completa”, indicou.

Aludiu ademais as queixas destes dias para dotar unha matrona ao centro de saúde.” Queremos unha sanidade pública e de calidade, non queremos parches e titulares do PP”, criticou.