Neste xoves realizouse a primeira xornada de renovación de DNI e pasaporte do vehículo integral de documentación da Policía Nacional (VIDOC) en Foz. Instalouse diante do CENIMA.

“Este servizo foi moi ben acollido polas veciñas e veciños e ante a afluencia o Concello solicitará a posibilidade de que se aumente a frecuencia a dúas veces ao mes”, explica Fran Cajoto, alcalde de Foz, que engadiu: “agradecemos o bo traballo dos funcionarios da Policía Nacional, que con este servizo facilitan a obtención do DNI aos veciños, achegándoo de forma sinxela”.

A seguinte data de atención será o 28 de outubro, que xa ten as citas completas.