A estrada LU-P-2007 no municipio lucense de Foz quedará cortada desde o martes ao venres da próxima semana por motivo das obras para substituír a drenaxe transversal. Segundo informou a Deputación de Lugo, concretamente o viario, que vai desde Nois-praia, por Cordido, ao Eixo a Moas, estará cortado no punto quilométrico 3,700. Os traballos, que contan cun orzamento de 6.000 euros, serán realizados pola empresa adxudicataria da conservación desta zona na rede viaria provincial e habilitaranse desvíos alternativos, que estarán debidamente sinalizados.