O Concello de Burela dá comezo ao seu  curso de batucada na praza de Abastos, con clases semanais os venres de 18:00 a 19:30 horas. 

A actividade conta xa con 12 persoas inscritas, pero aínda hai prazas libres, polo que a veciñanza interesada en facer batucada pode aínda anotarse na iniciativa. 

As clases están dirixidas a persoas a partir dos 12 anos de idade empadroadas no Concello de Burela, non sendo necesario contar con experiencia previa. Son impartidas por Carlos Méndez de Batucada CadaBatú. 

A concelleira Lina Gómez anima á veciñanza “a partircipar deste curso, que ademais inclúe a posibilidade de participar nos desfiles do noso entroido e das nosas festas patronais”.