A Praza do Concello de Burela acolleu a decenas de persoas este luns nunha iniciativa para visibilizar a problemática do cancro de mama na sociedade. O lazo humano solidario tinguiu de cor rosa o lugar, nunha iniciativa impulsada polo goberno municipal e a Asociación Española Contra o Cancro (AECC).

A pasada xornada, o 19 de outubro, celebrouse o Día Mundial contra o Cancro de Mama, que busca concienciar sobre a prevalencia desta doenza e a necesidade de adoptar medidas de prevención e detección temperá da mesma.

O acto en Burela serviu para conmemorar esta data e subliñar o compromiso da veciñanza coa causa, amosando un forte apoio ás persoas afectadas e as súas familias. Na comarca da Mariña celebráronse diversos actos para conmemorar esta data, sendo o lazo humano de Burela un dos máis emotivos e concorridos.