Na mañá do xoves 8 de maio celebrouse no porto de Burela o XXVI Encontro Empresarial de Expomar coa participación de 22 entidades do sector pesqueiro extractivo.

Ao comezo do Encontro, a presidenta da Fundación Expomar e alcaldesa de Burela, Carmela López, acompañada do concelleiro de Mar de Burela, Ramiro Fernández, deu a benvida a todos os participantes.

A 26ª edición do Encontro Empresarial de Organizacións Pesqueiras Expomar reuniu un ano máis ás entidades máis representativas do sector pesqueiro nacional. A reunión dos representantes da frota, na que participaron 22 organizacións do sector pesqueiro extractivo, tivo lugar nas instalacións de Armadores de Burela e nela abordáronse os novos retos do futuro do sector pesqueiro e as dificultades actuais que afronta a pesca.