O Concello de Burela acolle, no auditorio da Casa da Cultura, un monólogo do coñecido actor galego Carlos Blanco. O espectáculo será este sábado, día 6 de abril, ás 20:30.

As entradas para o evento poden ser adquiridas de xeito anticipado, a través da web de Ataquilla, por un prezo de 12€ máis gastos de xestión. Tamén poderán ser mercadas na billeteira a un prezo de 15€.

O enderezo web para mercar as entradas en liña de xeito anticipado é https://entradas.ataquilla.com/ventaentradas/es/humor/casa-da-cultura-de-burela/17224–monologo-de-carlos-blanco.html

Carlos Blanco, natural de Vilagarcía de Arousa, é ben coñecido pola súa participación en series de televisión como Mareas Vivas ou Fariña. Tamén foi parte de longametraxes como O Lapis do Carpinteiro ou A Praia dos Afogados, e conta cunha longa carreira como monologuista ás súas costas.