O pasado 25 de febreiro, Ramona Cortiñas López, celebrou o seu 103 aniversario rodeada da familia na súa casa do Pereiro, Alfoz.

Con motivo desta celebración a alcaldesa, Efigenia Maseda, achegouse ao domicilio para agasallala cunha cesta de froita e flores.

A alcaldesa afirma que “cando alguén cumpre 103 anos, non se trata só dunha cifra. Trátase dunha vida enteira chea de momentos, de traballo, de familia e de historias que forman parte tamén do noso Alfoz”.