-Ofreceron desde Educación explicacións sobre por que non se achegou un ou unha nova profesora para cumprir as ratios acordadas?
Din que as novas ratios iranse aplicando de maneira progresiva e que emperazarán por Infantil, onde cunha ratio a partir de 14 alumnos desdobrarán. Logo en Primaria será a partir 12 alumnos cando haxa que desdobrar. Esas ratios non son o que se acordou cando sucede o que sucede aquí, que temos varios ciclos xuntos e no acordo asinado entre CCOO, UGT, ANPE e Xunta, dise que a partir de 12 alumnos neste tipo de agrupamentos habería que desdobrar. No mes de xuño xa comezaron os rumores de que isto non se cumpriría. Aí foi cando Educación dixo que a aplicación de novas ratios será a partir de Infantil. Total, en Infantil se eran máis de 14 traerían un novo profesor e en Primaria se se xuntaban varios ciclos diferentes con máis de 12 alumnos hai que desdobrar e aquí temos 15 alumnos.
-Informáronos previamente desa progresividade no desdobramento nas aulas?
Non, soubémolo a través das notas de sindicatos e noticias na prensa. É dicir, oficialmente ninguén se puxo en contacto coa ANPA do CEIP para dicirnos os convenios. Á parte diso, este ano o CEIP aumentou a matriculación pasando dos 37 alumnos do ano aos 39 este curso e catro profesores permanentes.
-Tamén reclaman a incorporación dun ou dunha especialista en Pedagoxía Terapéutica (PT), figura suprimida no centro de Alfoz.
Os nenos e nenas con necesidades especiais reciben o reforzo do PT para reforzar as súas demandas educativas. Até o curso pasado había unha PT no noso CEIP pola presenza de alumnado con necesidades educativas que necesitaban unha atención máis especializada. Este curso, segundo Educación, ao pasaren eses alumnos ao instituto, non necesitamos a figura do PT. Non obstante, temos aínda alumnado con necesidades que precisan do PT.-Antes de que se asinase o acordo entre os tres sindicatos e a Xunta, no CEIP Castro de Ouro, como era o reparto das ratios no centro?
Levamos tempo cos mesmos números de alumnos por aula. Antes do acordo eran 18 por aula e nós non pasabamos esa cantidade por aula así pois, non podiamos reclamar nada. Co novo reparto, agora si podemos reclamar. Houbo veces en que faltando un profesor reuniron varios cursos nunha soa aula.
