Este domingo 12 de maio celebrouse o I Día da Veciñanza de Alfoz. As asociacións
veciñais do municipio xunto coa Asociación Cultural e Xuvenil O Castelo e en
colaboración co Concello de Alfoz e a Federación de Asociacións de Lugo organizaron
este evento que chegou a reunir a máis de 400 veciñas e veciños.

“É un éxito de todas as asociacións, é un orgullo para o Concello ver como se organizaron e traballaron para que este día saíra tan ben” apuntou o concelleiro de Educación, Igualdade e Participación, Eliseo Lorenzo.

“Debemos resaltar o papel das asociacións na dinamización das parroquias xa que fan as festas patronais e diversas actividades durante todo o ano de forma desinteresada, só pola satisfacción de ver á veciñanza gozar das mesmas” engadiu o concelleiro.

Dende a organización tamén se mostraron satisfeitos e contentos polo resultado da
xuntanza: “foi un día para o recordo, onde a xente ademais de comer e bailar puido
recordar tempos vividos e conversar sobre como lles vai a vida. Esperamos volver a xuntarnos o ano que vén”