O conselleiro de Sanidade, Julio García Comesaña, asegurou que o Servizo Galego de Saúde procederá “canto antes” á cobertura das vacantes de facultativos de psicoloxía na comarca da Mariña.

Así o apuntou en resposta a unha pregunta formulada polo deputado do Bloque Daniel Castro durante a celebración do pleno ordinario da Cámara autonómica que concluíu este mércores.

Comesaña incidiu en que o problema para as vacantes foi a coincidencia de baixas entre o persoal de psicoloxía da comarca, concentradas na categoría de facultativo.